Ci een son haktiex vax

Lhak simaox: mhai: tix deuh: pui: pa tawx ju: tix son haktiex vax...(praog)

Nghiet Gum: lox simiang:
Thiang lox pui koeng:
Nabyam ka lhak simaox
Pui: tawx ju: tix son been: kaing: haktiex vax (praog)
Jauh: 1992 num:, khix 4-17 ngaix, hoek in singaix:.
Can pui haktiex vax (praog)
Caw: tix doh keud doh sawn, nabyam ku: kaux.

Lhak simaox: in, krax lhaong koe (20) sawk, Pak koe (3) pak, tix pak koe (4) sawk, piang cuik simoax:, koe sim uing raoh ting tix mu, sim uing an, mawh: ngawh: nham can pui: pa hoik tawx ju: tix son: been: kaing: haktiex vax(praog).

Sim uing raoh cuik lhak simaox:
Baoh been khraox haktiex vax
Krax baoh lai-lox krai: pang
Hoik mawh: grang haktiex vax
Gien taix tix: brawm, sok rhawm tix mu
Kieh: yien yawg kaux cong leeing ju.