lox sinaw

1. paw nyang krix ka lang kat ex rib rui, awm mawh lhax vawk pax krax vai, paw nyang lhat phlan miang ex pui meet. singlax tix mawh in nglhai pex krax yaong kawn re pex kah mawh ex man cah, kawn prah pex kah mawh ex pui shia (phlan)

2. Vog(hoek) pex kras ex ah yaog siyua, nglhai pex krax ex mawh cua singreung.

3. rhi man cah pex sim sawm gua, prah paoh mhawm pex nyo hoek yaong.

4. Phig pex pen gawng te rawn ex rauh, jauh pex pen nyiex phlan meung ex heue.

5. Dung loui miex pex sipawn, kawn pha keeing ex pex sinaw.

6. Sang hu hoek maix sax plak praix siyang, ex kawn mawh sihex tix num, maix sang hoek tang keung singai ex kawn mawh rhawm timu.

7. paw nyang guah paox ex tang kak, paw nyang buag paox ex tang hu. sitoe dee mawx sax ex kok, sihawk dee mawx sax ex byian.

8. Lox tawx keeing mawh sine (pioson) jeun jah, paw kieh rau daux dung koe kax.

9. lox tawx tax mawh sidah lang ju, paw kieh grai guah krax lai ling, luan ling.

10. Chip maix khaing sivong don tiex, haing maix khaing sihiex priex mheem.

11. Khaing mawh sikhiap ex prawm, sito dee mawx sax ex ca kok.

12. Khaing mawh rhawm ex ap moeh, sihawk dee mawx sax ex byian.

13. Dawg mawh doeh dua ex kawn vax, paw tig dah paox ex kah tiex, dawg mawh nhua yien ex kawn vax, paw prah paox ex kah nawng ja...