Can pui pa jah tix hoek kadaux haktiex meung man ka pui, pa mawh cub cum pa ting cum kie nieh, ex chix tix guieh kix mawh ra: cum. 1- phan mawh pla pyinya gumlox, kix ah awstrit kah, cub in mawh pa ot plake jee (greem:) kix, tix cub kie nieh, nawh mawh pa ah pui Titbiet - Hawx kah, cub in kix , tom: mawh cub pa ot plak blaong, koe 2 - cub cum ting yuh nan.
Daux cub cum ting Awsatrit kawx, kawn guieh nang tix koe 2-cub cum, tix cum an, nawh mawh cum iak Awsatronishian, pa ot plak rawb reem rawm sigrit sigra, tix cum kieh nie, nawh tom: mawh cub cum iak Awstro Asiax, pa ot piang gawng piang lua khankix pa mawh cub mon, pa lawng mai: vax kix, pui tom: ah cub cum Mon-khama kah kix. Mawh kheu in, ceu pui vax tom: hoik sidawng mawh cub cum Mon-Khama tete. (ေဒါက္တာ ႏုုိင္ပန္းလွ (၁၉၉၉)စာ၊ ၈၈-၈၉)
Can pui pa sikah ka lox Mon-Khama khankix, pui ah cub nyiex Awstro Asiax kah kix. Can pui pa sikah ka lox Mon-Khama khankix, mawh pui Mon kix pa ot meung man plak greem: mai: can pui pa ot meung Man plak blaong, haktiex Shiem, pa mawh pui palawng, pui vax mai: pui yin niex khankix. (ေဒၚတင္ရီ (၁၉၉၉)စာ-၈၁)
No comments :
Post a Comment
Prah Een Lox