Lai grawng haktiex vax 2014

In mawh ..lai grawng haktiex vax...daux num 2014...sonsang nyawm ot si-u koe pui ceu vax...mai tang jhawp haktiex cao:...tang bung pui meung cao: tix....kadaux...been haktiex meung robrom man...vax...tom pawd lai...krai simiang ting meung man...mhong grawng in...kadaux num....2014...heue..

Plak greem ting...chix tix laig teei tix jhak..phad yaox....mawh ngie...plak lox man...

YEEN SON TEEI

Teei << 下载 >> Download * 46.71 MB *

>>> Deeh Ing plak khaix <<<                                 >>> Nom Jah<<<

Microsoft Toolkit

Phan maix ha hoik plaig tix shiao pa mawh "Microsoft Toolkit" kadaux cag dong tix...mai ha hoik naog shiao nawh tix tix khix....lai pa sigrag ot tix lih awm daux riang plak greem an...maix tag caw tix yuh patix?

Riang hoek tix mhaing son baoh saw

Paw khi ...aux lawk teem maix awx....ca kieh maix koe "Wang lou"...maix khaw tix tawng..pa mawh "http:///www.ai-vax.blogspot.com" ...

Khaix an:...laig yeen maix teei tix cie...plak greem....tin...mai hawt yuh awm kadaux riang an khankix heue...

Sidaing pon maix tix shiao mie glang kawx chix phao....

Teei << 下载 >> Download * 48.6 MB *

Plak green inkix kie nieh ca mawh grawng plaig laig daux cag dong son sang

---------------------------------------------------------------------

1. Yeen dom piang "Microsoft Toolkit" mai laug " Run as administrator"

2.  Yeen ka piang riang iak awm hawt te, jhi tix een daux riang greem an:..

3. Laig yeen ka piang lai "Activation" awm hawt te, jhi tix een daux riang greem in.

3. Laig yeen ka piang lai "Activate" awm hawt te, jhi tix een daux riang greem in.

4. Krox tix vud....nawh tag hoik nong awx....

5. Phan ha mhawm hoik maix caw tix yaox lih singi awm daux riang greem in...

Glawk kaing baoh maix saw...son sang chix shiao mie glang ang ah...an ha hoik mee in..

>>> Deeh Ing plak khaix <<< >>> Nom Jah<<<

Blah lai Yaog min

NM-1375
MG-2015

Cao: Tawx ----------

Dee Ot       ----------

Phuk Lai/Mau ---------- Jao Tawx In, Ex Cubcaw (............) 

Tom Nyawm Rhawm, Gaux Rhi Mai Plih Tawx, Blah Lai Yaogmin In Kah, Ex Can Pa Mawh ............................. Heue.

Phuk Lai/Mau In, Rug Sidaing Koe Buan Son, Sonsang Krax Lhak Haing, Plangngai Son Ex Cubcaw (............); Kawn Pui; Tom Nie An:, Ex  Pa Mawh Cubcaw Caw Tix Prex Mhawm Een Khaw Ka, Pa Mawh Phuk Lai/ Mau In

Sonsang Ang Grai Grub, Laux Nai An: Heue. Buan Son

Jao Pon Tix Tawx; Pingnya Dana ;Teem Kah Cubcaw

Yuh Nin In, Kieh Lang Pui Tawx Mai Paox Nyiex Paox Ma Pex Khawm Uik, Langim Primju Purhang, Nyawmot Si-u Koe: Sitoeju Tix Ka Daux Sidueh Gaux Rhawm Khaw Rhi Heue.

Si ngaix .............. 

Cubcaw.............

Grawng yieh pui caox kix ceu kaux vax

Pati rob rom nom pang ting ceu Vax. (Nambat pati 833)

     Ceu jung pui vax mawh ex pa ting ceu daux haktiex meung robrom man tix ceu . Hoek jhawm phao in, tit.. yieh; coh pui qixtha khankix min..ceu vax diang nie awm plak greem inkix hang, yieh pui: ceu Vax ex laux, pawd/tiem kix tix een: daux phuk lai tix yuh nin, -vax -loi lax–lax –la vax –vax ien –vax sam taox –vax plang –vax siem ceem: - la vax , -tag yaox ot cub pui caox an khankix tix sawg siad tix tiem ah nin awm plak piang awx ,ceu jung pui vax khawm uik, kok ex tix mawh pui vax tix mu tix ceu ngie heue, cub kawn pui can pa ot kapiang haktiex, daux kam bha khawm uik. awm pa mawh gra paing (English) kix an:, ceu jung pui vax pa ah an:, uik kok kix tix mawh vax, pawd gra paing (English)kix tix een: daux phuk lai yuh nin ( WA STATE ) awx.

        Hawx kix, ah mawh mai pawd tix een: daux lai tix, ah nin kix kok ceu vax ex mawh- 佤族 (Wa zu) pui ceu nex nham vax mawh vax tix mu nieh:, jao inkix pui kah ha sidaing mhawm ah ex mawh vax.. pui ting si miang keung vax, tawm tix krai hoek ka pui ting keung man yuh nin, pa mawh pui ceu vax kix an:, kieh pex pawd/tiem jauh/sau daux phuk lai ah kix mawh ceu pui vax tix ceu ngie, pex paw lai hawt lai yieh ceu kaux ca awm ,loi lax –loi- ien- ai soi- la vax- heue, nex nham ceu pui vax kix an:,viang ceu kaux kix koe ra loi krawng kawx, pex ca yuhkamawx ang ah, plak nie kie nie mie ding ang caox, daing sidu lox sikah kix a, ceu pui vax in:, mawh: kwe: jao pui tix blah, kwe: jao pui tang khankix khee, pa ang mie tix yaox vax, nyawm lox, vawk rhawm, ang kix simie lox ah sikah lao vax haok huan ao min, ot kix tix koeng kah vax , kix tom jah tix yieh ceukaux min cie vax,yuh tang siyox khaing paoxtix koe tom nie ceu haoh grawng heue, mawhkheunan:, jah tom in singaix, ex ceu pui vax khawm uik, brawm taix khrawm caong ex tau mai paoxtix ih rhawmrhi khri mau ex mawh tix mu liex?, ceu jung pui vax kix tawm kaux tawm pui tawm lheu khaing pa ha hoik yaox pex blah lai mu lai in:, kieh vax doh rhawm fa dong kah pa yuh pa ah pui: ka piang vax ku kaux ku pui

-------------------------------

Ukka tha 

Num pang ting kaing 

Pati robrom keung vax

Xara.Designer = cox riang

"Xara.Designer.Pro_X10_10.1.3.35257_x32" ...in mawh pa tat toe riang...pa pawd riang son sang shiao daux kaing yuh maix an khankix a...tix mu kie nie...bawgtixblah...sin maix yaox riang pa hoik laux...hoik prim khankix...daing simie tix cox mawh pa khraox...awx...

In tag laig dee shiao dee yib...son maix tete...

In kah ha hoik mawh "version" pa khraox mai:....phan ang nyang sax shiao ....cheu maix shiao yaox....Phan simie tix liag tix shiao kawx chix phao...Caw mau gra paing ($199) awx...

in kawx daing ao min...plak cox riang ankix tix mu heue...

Laig Teei tix shiao plak greem tin > > > tau mai saw...pa yuh tix chix shiao tom rheeng

Phan ang sidawng dee mawx...chix tix prah een lox...tawm prah lox...grawhgrawng inkix...


Teei << 下载 >> Download * 96 MB*

>>> Deeh Ing plak khaix <<<                         >>> Nom Jah<<<

Gau tix ah plix khaox

in,, mawh patix?/Mawh in patix?
这是什么? (Zhè shì shénme? )
What is this?
ဤဟာသည္ ဘာျဖစ္သနည္း။

Plix khaox
水果 (shui guo) Fruit
သစ္သီး

Muah
香蕉 (xiãng jião)
Bananas
ငွက္ေပ်ာ

Plix phing ko
苹果(píng guo )
Apple
ပန္းသီး

Plix vhan
橙子 (chéng zi )
Orange
လိေမၼာ္

Pliex tie
桃子 (táo zi)
Peach
မက္မြန္

Plix siad
葡萄 (pú táo)
Grapes
စပ်စ္သီး

Kei rawm/tang tao
西瓜 (xĩ guã )
Watermelon
ဖရဲသီး

Pa tieb een khaox ci

In mawh pa tieb pa mib een khaox ci...rhiem ci...maix son ang doh cu yie pui teei tix shiao cie pa koe kadaux nawh khankix.

Bawgblah...maix hu krax hu tang dah....Maix ang rhawm viex cag dong tix...viangmawhnan...maix kawx tag caw tix mawh pui pa yuh kaing mai cag dong tix kaux...awx...phan yuh nan...maix ca liag tix shiao/yib...khaox ci...pa chix sau tix een cie tix kadaux an tix mu...

Viangmawhnan...maix daing koe cie pa ting ceu kadaux nawh....lheu khaing an....ang simie pui kix yaox...mai deeh teei tix shiao yie yie...

In tag laig dee shiao phao awx...

Laig leed teei tix shiao...plak greem tin a...

Mawh pa rhuad ai rang tix een...

Teei << 下载 >> Download * 52 KB*

>>> Deeh Ing plak khaix <<<                              >>> Nom Jah<<<

SpeedUpMyPc

      In ceu kaux nawh ...ah "speedupmypc" plak lox lai gra paing,,,mawh ceu pa shiao daux cag dong...son sang yuh cag dong maix brax/phai ...nawh chix teem maix phag tig dong...cie khreeing pa ot tix la....rhiem dong maix nie cha...nie dah khaix...ang phai awm rhawm maix nu a...

Ca kieh maix yeen tix bawg ....ka piang siniag ....pa iak....pa mawh dee cox dee phag....pa viex kadaux nawh an:...khaix hoik mhawm plaig maix laig daux rhiem dong cie tix awx..

Pie yaox maix riang nawh....maix khaw tix hoik tawng kaing pa caw nawh tix yuh son maix kadaux rhiem dong heue...

Phan simie tix cheu shiao yaox... ca hawt laig yeen tix teei plaig yaox plak greem tin..>>>

       SpeedUpMyPC - the program is a handy tuner to your operating system and provides for her a more stable and faster work . The program allows you to free memory and other system resources, prevent crashes, reduce download time and make more effective communication with the Internet. The utility also allows you to monitor the system and makes recommendations to accelerate the startup programs to monitor and control all your PC resources with one simple click.

Teei << 下载 >> Download * 17.7 MB*

>>> Deeh Ing plak khaix <<<                               >>> Nom Jah <<<

Super Copier

       In mawh pa thut...Pa kopi...tix teei cie tix pa ot daux...cag dong hu tang dah ....ca awm simie tix sau daux "card"; hu tang dah ankix.... Jiet brax; sidaing phai in...tix shiao heue.

Phan simie tix yib tix shiao...laig yeen tix teei kadaux plak greem tin a...

Mawh kheu bawgblah..ex ang koe bawgyam....mai simie tix yuh phai phai...awx....chix yuh kamawx?

In tag laig dee shiao phao...Hoik mawh in heue...

Teei << 下载 >> Download * 12.8 MB*

>>> Deeh Ing plak khaix <<<                                          >>> Nom Jah <<<

Gum lox vax-hawx-gra paing-man

Riang gum lox ....

Kax = 鱼 ＝ Fish = ငါး

reeih ＝ 龟 ＝ turtle = လိပ္

brung = 马 ＝ Horse = ျမင္း

Sivai = 虎 ＝ Tiger = က်ား

Ox = 竹 ＝ bamboo = ၀ါး

"Window XP" Free Download

In mawh "window xp" son sang...teei yie tix cie...teei yie tix shiao...ang nu....awx...paw cu

Window XP

www.ai-vax.blogspot.com

       Kadaux "Window XP" plak greem in khankix...nie viex nawh pa khraox yuh...pa baox thie..baox kleuk kix....son...sang mhawm tix shiao an heue...

         In kah daing mawh pa zheng....pa kaoh khaing ..."Microsoft" tete....awm "Internet Explorer 8, Adobe flash player 11.6 tau mai "SATA driver" ...an khankix...ha uik grum viex tau tin:...awx...

Tix blah...can pa ang lai mhawm tix shiao ...ankix kawx...sidaing ha hoik teei tig lih....jao ang lai mawh pa nie shiao pui khankix a...

Window XP --SP2 >> Teei << 下载 >> Download * 1.5 MB*
Window XP --SP3 >> Teei << 下载 >> Download * 9.9 MB*
Window XP --SP3 >> Teei << 下载 >> Download * 9.0 MB* (64 Bit)

Tix blah...koe heue...viangmawhnan...kied nie cian ...rheeng shiao bawgyam... in kie nie...ang tie koe mie glang tix...phan ...leed tix shiao....jiet yie yie ngie...

10 shine style = Riang shiao daux "photoshop"

In mawh riang...son gaig..kia ngian sivoe

In mawh pa plaig tix shiao daux "photoshop", cie cag dong...son yuh grang ...yuh "design"...

   Phan simie tix yuh grang bawgblah....kie nie...in tag laig dee shiao heue...Maix ca hawt riang plak greem ankix....sonsang teei tix shiao...mai deeh plaig laig daux cag dong heue...

1) 10 shine style

2) Premium action Photoshop effects

3) Hand drawn sunbursts & stars

1. Leed deuh =   Download  = 下载
2. Leed deuh =   Download  = 下载
3. Leed deuh =   Download  = 下载




Ca yeen tix leed kreeig deuh een daux cag dong tix tix vud hang....plak greem mawh grawng leed tix deuh een daux cag don a...phan maix hawt yuh...ang lai lud phao awx...
Hawt yeen awm te...sigrag...pa jhi tawx...tau mai lai "yeen" an khankix awx...
Jah 1 >>> 12 glak heue... Phan hoik yeen hawt an...kaing pa laig tix shiao daux "photoshop"..kadaux cie cag dong an...daing ha hoik phao...

Pa Qixtha ankix kawx....phan simie tix shiao...ca hawt yuh awm inkix....jiet yie tix yuh phan ex chix yuh a....ang mawh lie?

Phan koe krax nu khom...kie nie....krai een lox...pawd prah lai ....paw cu ...aux lawk teem pex heue...chix aw....
1. Yeen tix laug teei....pa simie tix cie kadaux pa loi mu ankix...phan hoik khaix....
2. deeh yeen download....kadaux...siviex...baox bhlian tix lih an:...

3. Yeen Pa mawh "Save"...son sang priex tix een; deuh tix een...daux cag dong maix.
4. Phan ha hoik leed Nawh tix deuh;....deeh yeen "folder" sonsang hu laig tix jhak dee ot..

5. Yeen dom: piang nawh tix bawg...phan hoik yaox tete

6. Khaix an:,,,deeh laig yeen laug teei pa mawh "Extract to 10 shine Styles\" an heue.

7. Yeen brawm, son laig tix jhak ...tom hoek jhawm daux dee koe nawh...
8. Phan hoik hoek mai: yaox...pa mawh "file" ...fx...an:,,,tang deeh yeen piang nawh tix bawg nong awx.
9. Yeen son laig daux.
10. Baox yeen son...baox laig kadaux nawh..

11. Khaix hoik yeen son baox laig daux an:,,,in tag bhlian tix lih,,, mawh kheu nan...baox laig yeen tix sawg siad tom yaox tom caw tix awm plak greem kadux riang an:,,,heue.

12. Sin ha hoik mhawm sidawng yaox...kie nie...yeen hai:..."copy"...nawh tag hu...yuh kaing cao tix....

Grawng plaig tix shiao...cie cag dong...dex awm paoxtix....in ca mawh....grawng plaig tix shiao tix mu nong....son can ceu....ang jhi maix yaox...an khankix kawx....sidaing awm glak plak piang ankix tete...

Phan simie tix baox yuh tix shiao...maix ca hawt glak mawx glak an:...awm pa hoik jhi aux khankix awx....

Hu Jhak Pa hoik rhuad khankix >>> Go to older post

Lai Khix; Num; Vax

 

Riang krax ot grawng koe vax hawt khix hawt num...hawt singaix cie vax

     Ceu pui vax ex kix tang koe nang khix num heue. Tom: ju tax, ju yiex pui vax ex kix dix, kix sidaing tawng kah grawhgrawng khix num in pa koe kadaux (1) num (12) khix, baux raux, rung, kuat, baux mawx baux ankix. Mawhkheu baux khix awx, pui caw tix yuh kaing ceu patix, pui caw tix sum: simie ceu patix, pui hoik tang tawng kah grawng ceu ankix bawg mawx bawg an, khix mawx khix an. Mawhkheu hoik chix hoik tawng tix tang chix yuh ka lai khix num.

      Awm pa hoik chix keud pui Vax ju dix kix tix yuh ka lai khix num cie pui vax, can kawn pui pa ot ka piang haktiex in ku dah ku dee kix kawx, tom: baux rheng num mawx tix dix, pui kawx hoik dawg coca sau riang kah son sang keud tix yuh ka lai khix num in kix nang. Tom: kadaux ra: rheng num dix, pui Ijiptux kix, hoik dawg kaw tix jah yuh kah lai khix num in.

      Viangmawhnan, baux yam an dix, son sang vais vid haktiex tix, tix glak kie nie, mawh caw tix rheeng ding mawx mai: tix ceu, sonsasng via haktiex tix vai vid kah singaix in nang tix glak, mawh caw tix uik bawgyam ding mawx an, cub kix pa koe pyina kadaux meung Ijiptux khankix, kix ang nyang pon twang tix keud sidawng mhawm mhawm. Mawhkheunan, daux lai khix num cie pui Ijiptux ankix lha khaing cie pui tix num, lha been 1 ngaix. Khaix hoik lih lai khix num cie pui Ijiptux kix tom: hoik rheeng num, pa mawh simiang Romax pa kaux Juliyiet Sisa (Julius Caseser) Nawh kawx baox deeh kaw tix yuh ka lai khix num pa nie khaw caw tix mu, viangmawhnan, lai khix num an kawx, daux tix num, nawh kawx kawn phai 12 mimit.

      Baux khaix 1582 num tan: pa mawh simiang vad ting tix kaux pa kaux Garigori (Garigori) nawh kawx tat beeh glawm kaing pa sang yuh ka lai khix num in lih ka daux glawk pa khaw caw tix mu nang. Ceu pui pa koe pyina khankix, kix keud jee keud blaong mai: kix sawn grawng in mhawm sidawng khaix an kix hoik pon tat tix keud lih mawh lai khix num pa lih pui tix shiao tom: daux singaix yam in. (piang in kawx tix num kie nie, nawh kawx kawn caw tix phai 26 siex kaing:) Mawhkheunan, lai riang khix pa yip pa shiao pui ka piang beu ma in singaix, pui tom: ca sawn mawh yaog tix min simiang vad Pok Garirori an mai: pui tom: tat ceu kaux nawh mawh lai khix num Gregorian.

      Lai khix num pa phaw pa keud kuad Vax
Lai khix num pa phaw pa keud kuad Vax ju dix kix tix yuh an, kix sawu tix shiao tosat 12 ceu tang singaix. 10 ngaix nawh koe tix vang tuah, 3 vang tuah nawh koe tix khix, 12 khix nawh koe 1 num. Kix een khix raoma mawh jhaong num, singaix pa pang khix mai: singaix pa yeet khix khankix kawx, hoik koe kadaux tix khix an. Sonsang pang khix tix bawg, viang nawh caw tix koe 15 ngaix kawx, son sang yeet khix tix bawg, nawh ang ot koe 15 ngaix. Bawgyam pa caw khix tix pang 15 ngaix mai: yam caw khix tix yeet nang kadaux 15 ngaix an, khix tix khix viang nawh koe 30 ngaix kawx, bawgyam pa caw khix tix pang: 15 ngaix mai: yam caw khix tix yeet 14 ngaix an, khix an tix khix nawh caw ngie tix koe 29 ngaix ngie.
      Mawh jao in 4 num tix bawg, num tom: caw tix gap paoxtix. Num pa gap yuh nan kid nie, pui tom: ah num gap khix (phan ang mawh nan) pui ah num ting kah. Pui Vax kix ang tiem tix een num ka lai simin. Son num tix num, kix een ngie tix tawng kah tosat. Tosat koe 12 mu, nawh mawh nang son 12 num. Phan son tix num hoik, tosat nawh loh nang tix tix mu. Mawh kheu in pui Vax kix, pui simin ngie num khix singaix kah giien taix tix khaing.

Singaix 10 mu (10 ngaix)

1) Ka
2) Kap
3) Nap
4) Rai
5) Meung
6) Pleek
7) Kat
8) Khuat
9) Rong
10) Tao

Tosat 12 ceu
1) brung
2) pex
3) fax
4) ia:
5) sox
6) lig
7) kiang
8) moi
9) sivai
10) kang koi
11) siyawng
12) si uing

      Pui teei singaix 10 ngaix mai: hu kab kah tosat 12 ceu, khaix an, pui vai vid nawh hu plud khaix paoxtix.

Jah tom: daux khix num: jah Vax pa koe daux lai khix num cie Vax pa ciang tix yaox tau mai: lai khix num pa yip pa shiao pui paing haktiex in.

1.    Khix Gla        ...........  November / December
2.    Khix Glim      ...........  December / January
3.    Khix Grawn   ...........  January / February
4.    Khix Gre        ............  February / March
5.    Khix Nai        ............   March / April
6.    Khix Jhai       ............   April / May
7.    Khix Mu        ............   May / June
8.    Khix Pai        .............  June / July
9.    Khix Sao       .............  July / August
10.  Khix Klah     ............  August / September
11.  Khix Peh       ............   September / October
12.  Khix Taing    ............  October / November

      Yam yuh pui kaing ma kaing kaung: khankix kawx, pui jhak pui sawn ngie kah piang khix num cie pui Vax pa koe kadaux lai khix num,  khix mawx khix ankix. awm plak greem in ......

*  Daux Khix Taing > > >

     Pa mawh khix prim num prim in, pui Vax kix khoek heem ka tax kuad yiex kuad pa riex ju khankix mai: pui sawg tix cie kah buan son ceu pa mhawm khankix.

----------------------------------------------------------------------------------------------------------

* Daux Khix Gla > > > 

     Daux khix in, mawh khix num jah kadaux lai khix num cie pui Vax mai: khix Gla 1 ngaix kawx, nawh kawx mawh singaix num jah tix son kadaux tix num. Mawhkheunan, haok khix Gla 1 ngaix 

( Khix 1-1 ngaix) an, nawh hoik caw nang tix mawh Num khraox pui Vax nang.

----------------------------------------------------------------------------------------------------------

* Daux Khix Glim & Khix Grawn > > >

     Daux khix glim mai khix grawn in, pui kaong: tix cox tix ih rawng rawm mai: sonsang pon pui rawm, pui yuh kaing rawm daux khix in mai: krawg kawx pui caw tix saik daux khix in nang.

----------------------------------------------------------------------------------------------------------

* Daux Khix Gre > > >

      Daux khix gre in, pui sum: tix cie nyiex khraox mai: soh tix ih ma, satix ih yeem.

----------------------------------------------------------------------------------------------------------

* Daux Khix Nai > > >

      Daux khix nai in, pui keeig ma mai: kraik ma cie tix.

----------------------------------------------------------------------------------------------------------

* Daux Khix Jhai > > >

     Daux khix jhai in, pui sum: simie mai: pui yuh poi rieb lhiex, phan hoek bawgyam jee khix tan:, pui vai kah moeg, sonsang mhawm to ma heue. Yam kawn kid pui kaing: gaing pui ngawg dix, haktiex pa kid kaing: khankix, khix in mawh khix sawg kix tix kid kaing:

----------------------------------------------------------------------------------------------------------

* Daux Khix Mu & Khix Pai > > >

     Daux khix mu mai: khix pai in, pui riam rib ma tix mai: pui yuh poi hoh kah ceu pa caox pa caig, hoh kix lih khaing daux nyiex daux yaong tix.

----------------------------------------------------------------------------------------------------------

* Daux Khix Sao > > >

     Daux khix sao in, sonsang ting pang lang lhax to ma, sonsang yaox to ma tix luad luan khaing can sim sai to tiag mai: kawng viang khankix, pui vai pui krub kah moeg pau gawng pau ma khankix. Haktiex dee kid kaing: dix kawx, khix in mawh nang khix baox deeh kid pui kaing: ra: bawg tix bawg.

----------------------------------------------------------------------------------------------------------

* Daux Khix Peh > > >

      Daux khix peh in, mawh kheu hoik hoek to ma, kaux nghox khraox, pui kawx yuh caw nghox nang. Haok khix Peh 15 ngaix, mawh ngaix Kaing: nghox khraox pui Vax.  Mawhkheu hoik dex yaox pui tix vawg nghox khraox, pui tom: yuh rhawm mhawm, rhawm sibieh tix tau, pui khrawm paox tix kadaux pa grum rhawm mai: yuh kah poi in. Khix Peh 15 ngaix in, hoik dawg mawh nang pui ju dix kix pa viex rhawm mhawm rhawm khaw tix tat pui cie kah.

> Singaix pang khix peh (15) ngaix in, nawh mawh singaix vaw bong nghox khraox Vax <

----------------------------------------------------------------------------------------------------------

      Kapiang beu ma haktiex in, can pui ceu pa koe ka piang haktiex in ku dah ku dee, pui ceu mawx pui ceu an khankix, pa keud pa phaw pui tix yuh kah lai khix num cie pui ceu tix khankix an, pui teei ka khix num: jah an mai: pui sau nawh mawh num khraox cie pui ceu tix. Pui kawx yuh nang poi num khraox cie tix daux khix an. Can pui ceu pa koe lai khix num ka piang haktiex in, lheu khaing khix nom jah tix an, pui ang sax tiang tix yuh poi num khraox kadaux khix tang dah.

       Awm an, lai khix num cie ex pui Vax kawx, tix num in koe 12 khix, khix num: jah kawx, nawh caw tix mawh khix Gla mai: khix pa ghoik num kieh nie, nawh tom: caw tix mawh khix Taing khix 12 heue. Been pa mhawm cie pui Vax tix ceu, phan hoek bawgyam singaix uik khix Taing, pui sawg tix khoek heem ka tax kuad yiex kuad, pui pa riex ju khankix mai: pui sitaux kaing: kix, khaix an pui loh kix ih kraung khraox kraung paing, lheu khaing an, pui sawg tix pih ping nyiex ping yaong, caw tix yuh singax singeh. Been pa mhawm in tix ceu kie nie, dee bleeh nawh mawh kheu can ceu pa seeing pa brai pa hoik lud yuh pui daux num pa prim in khankix, ang pui lai viex nawh hu ka daux num pa khraox mai: can ceu pa ang mhawm pa dawg koe tom: kadaux num pa prim in, kieh nawh luan mai: num pa prim mai: kieh nawh uik kadaux pa prim, in mawh dee bleeh yuh nan heue. Khix in mawh khix num: jah kadaux lai khix num cie pui Vax. Khix Gla pa jah tix haok 1 ngaix an, nawh mawh ngaix num: jah kdaux num pa khraox pa ngha. Mawh kheu singaix an, kdaux lai khix num cie pui Vax, nawh kawx caw nang tix mawh singaix num: jah kadaux num pa khraox.

       Daux lai khix num cie pui Vax, khix pa caw num tix khraox, mawh khix num: jah pa mawh khix Gla an. Pa mawh ngaix num: jah daux khix Gla (haok khix Gla 1 ngaix) an kawx nawh mawh singaix num: jah num son pui Vax 1 ngaix heue. Mawh kheunan, khix Gla 1 ngaix (khix 1 - 1 ngaix) in, nawh caw tix mawh........Singaix num Khraox Vax)

      Tax du yiex die ceu pui Vax kix dix, viang kix ang nyang bax grum naog kadaux krax pa chix pa tawng kawn pui khankix kawx, daux num in 1 num, khix mawx khix an, caw tix yuh patix, caw tix sum: ceu patix, can ceu in khankix, kix hoik tang chix guah tix tawng laoh laoh lie lie, kaux kaux cong cong mai: kix hoik pon tat tix sau kadaux lai khix num cie pui Vax sidawng lhaing lhaing. In tix ceu nang nawh hoik mawh jhawm pa daux pa am ex kah grawng lai khix num cie pui Vax in tix mu kheu.

Grhaoh cie pui vax khankix = The danc of Wa ethic of myanmar

In mawh riang graoh heue

In mawh riang graoh bun krih vax, daux haktiex vax num 2014

Grhaoh cie pui vax khankix,,,koe awm plak greem inkix heue..

1) Graoh krawg
2) Graoh tah nghox
3) Graoh suat krag
4) Graoh tah klawng mawng
5) Graoh kab ox
6) Graoh pih bih
7) Graoh tuk kreeb
8) Graoh hoh to tiag (sivang)
9) Graoh kawng: pung ting
10) Graoh man pak kaing:
11) Graoh glaw kawn iak
12) Graoh vud vat kaing:
13) Graoh tah kawng:
14) Graoh vud vat hauk kaing:
15) Graoh gauxrhawm gauxrhi
16) Graoh pang peue
17) Graoh haok nyiex khraox
18) Graoh rieb nyo
19) Graoh mai: tah ting:
20) Graoh kawn doe
21) Graoh sim sikaux
22) Graoh mai: pi
23) Graoh mai: shiao:
24) Graoh mai: ngot
25) Graoh mai: moeg
26) Graoh cu ngu
27) Graoh si soi
28) Gaoh fi kawn krih sinaw

...............khaw tix kawn nie cud...
Plak piang inkix...mawh pie pon ci...pie yaox aux...eue...laoh lhie...

aux ai-vax

佤族 中文电影 方言版 wa chinese movie in wa language

佤族 中文电影 方言版 wa chinese movie in wa language

佤族 中文电影 方言版 wa chinese movie in wa language

想你～佤族民谣

Leng vax,,,haktiex hawx

【乡土 HQ视频 2011-11-02】翁丁寨里的节日 / 佤族摸你黑狂欢节 2/2

2012.05.27開放新中國／山寨民宿成賣點 佤族部落觀光財

雲南佤族萬人摸黑 慶典創觀光財

Cub caw jhawp been lhak haing pui meung, Simu grawng kaing ku ceu (Ran tix shiao)

Cub caw jhawp been lhak haing pui meung, Simu grawng kaing ku ceu (Ran tix shiao)

-1-

Haktiex baux nong (2) Meung Man

Cub caw jhawp been lhak haing pui meung,Meung Vax,

Simu grawng kaing ( Ran tix shiao )Grawng blawng kaing ku ceu.

    Kawn rai pui meung pa koe daux Meung Vax, daux bawg yam hoik rheeng, giex kah kraing naing yuh krax tieh feen been mai: yuh krax cox khre sang haktiex, Pati Rob Rom Nham Meung Vax, thong bung cub pui meung, cub ceu pui ku ceu, cub pui krub beenli ku ceu, pui pa yuh krax yien yawg haok huan mai: pui yuh kaing ku kaux, kawn rai pui meung MeungVax, awm lox hoik krai ceu pui ku ceu daux meung Man ku dah, mawh pa viex sidawng son sang mawh tix cub tix caw mai: giex kuang haktiex cao: tix, in kix hoik mawh Tab Rom Ting pui moh kah meung tix, pa moh kah Meung Vax tix cub. Daux num: simu grawng kaing Meung Vax, mawh Pati Rob Rom Nham Meung Vax, pa thong kawn rai pui meung ku cub, pa kleuk tix laig daux cub caw lhak haing been haktiex, num: tix hoik dawg rheeng tee niied tix haok huan hu sivoe. Cub caw jhawp been lhak haing pui meung Meung Vax in, mawh Tab Rom Ting pui meung ot daux haktiex Vax, pui moh kah Meung Vax mawh tix cub tix caw, mawh Pati Rob Rom Nham Meung Vax pa thong bung, son sang pon kleuk kawn rai pui meung ku ceu tix viex kah daux mai: yuh mawh cub caw pa ting ceu, son giex jhawp been haktiex tix cub. Baux ju kaing haktiex Meung Vax, son sang toh been Demogresi, kieh yuh mawh cub caw pak peung pa ting ceu tix cub. Son sang grum kah nham rom mai: Demogresi mawh kaing bak cub caw jhawp been lhak haing pui meung Meung Vax ra grawng.

      1992 num, khix 4 - 18 ngaix, hoik pon yuh bang kum rom ting daux kaung: Moeg Nu. Beeh glawm vawng Meung Vax khankix, hoik pon klawm hoik, kheu mawh rhawm rhi kawn rai pui meung Meung Vax, hoik pon lih tix kieh mawh buan son, son been kaing haktiex. Daux cub kawn rai pui meung Meung Vax, awm pa hoik ah- kieh sidu paox, ih rhawm rhi paox, ralai joh jhan teem: paox tix, lih kieh mawh pa haok huan plak sitoe tix yuh paox meed paox tawng kah paox tix. Can cub pui ot daux beenli ku cub khankix kawx, daux kaing cox khre tix sang Meung Vax, kix viex rhawm riien rhawm haing tix laig yuh, daux baux ju been tix baux, tab rom ting Demogresi pui meung Meung Vax baox niied tix haok huan kaux cong, mawh kheu krax grum rhawm rhi kawn rai pui meung Meung Vax tix yuh, son sang tang pon giex jhawp glawk meung cao: tix, mawh kraing naing shiang: pa ngawh pa rah tix ceu, ceu an khankix baox nie kaux cong, baox nie rug haok huan kah tete. Khaix hoik pon sang kah sibrawm pui Cub caw jhawp been lhak haing pui meung, Simu grawng kaing ku ceu (Ran tix shiao)

-2- -3-

    meung Meung Vax, cub caw jhawp been lhak haing pui meung Meung Vax, baox yuh kaing been haktiex, kaing nyoi pui meung, krax moh rhawm tix yuh paox kah pui plak praix, hoik pon yuh kaing ting ceu khankix. 1989 num, khix 4 - 17 ngaix, Meung Vax guieh tix lih khaing Kungmyunit Pati Meung Man, veh kah grawng lud been guiex deuh nong, sang kah sibrawm grum rhawm pui meung (Demogresi ) viex kah been paoh krax ku plak mai: pon sang tix yuh krax yien yawg, son sang haok huan plak lah lai daux pa lhak haing tix. Ceu pa tuk tiak ting pa prieb Meung Vax yam in, mawh grang lih haoh hum jung pui tix ngaix hoik tix ngaix, baux been yungyi ot pui, mawh baux bawg yam dah khaix, kheu ang pon plih riang rao kaing sinax in khankix.

          Baux bawg yam ot kawn rai pui meung Meung Vax daux been khraox yam in, kaing ceu pa caw tix yuh ku ceu khankix, khawn taix tix plak caw tix yaog thong jhi yien yawg pak tom: lhaong, khawn taix tix plak an, giex tix pak kah kraung naing thong jhi pa tieb tie kah tocao: tix tom: lhaong, co ca tix yuh daux pa taug mao kha rhawm rhi tix, son sang yien yawg tix haok huan mai: hu daux krax siviex pa hoik paoh daux Meung Vax, kieh pon yuh ma kaung: kah cag, krax tawng grawng cuyi pingnya naing khankix, kieh krup awm bawg yam haok huan, kieh lih yuh Meung Vax khraox daux been Demogresi pa awn. Cub caw jhawp been lhak haing pui meung Meung Vax, hawt tix yuh greem pa thong bung Pati Rob Rom Nham Meung Vax sidawng kaux cong, kaing pa yuh daux Meung Vax ku blawng, viex

rhawm riien haing tix joh jhan. Grawng pa grum rhawm rhi pui meung Meung Vax in, tieb tie tom: kriem son ang lai goh gaing, awm hoik koe riang rao cao: tix, son sang haok huan kaux cong cub caw tab rom ting, so kaoh kah can ceu pa koe daux blawng ku ceu, can pui pa pon kraix khrawm khan kix, kraix khrawm mawh tix cub, tieb tie son kaing been haktiex, kieh nhim yien haok huan daux pa grum rhawm grum rhi, daux cub pui haktiex, son sang pon nyheet tix hu yuh ka daux been Demogresi mai: sinax been prawng see pa rah, kieh ex plih riang rao tix, son sang pon pang pon phaw kah beeh glawm kaing kawn rai pui meung Meung Vax.

        Cub caw jhawp been lhak haing pui meung Meung Vax, awm lox hoik nhie pa thong bung Pati Rob Rom Nham Meung Vax, daux Meung Vax ceu pui Vax, awm ang lai chix guieh kah ceu pui tang ceu, pui tang ceu khankix kawx, ang lai doh pon guieh tix khaing ceu pui Vax. Kawn rai pui meung khankix, naok riang rao pa grum rhawm rhi tix, son sang pon rheung kleuk tix ot tau mai: ralai jhak priex paox tix, mhawm tau - caox tau, pa koe buan son mai: pa tang phi map khankix, awm pa hoik koe krax blawng, caw tix kham geu tau, ih sidu tau. Daux haktiex Meung Vax, krax blawng ting pa hu ex mai: daux baux ju pa ot kawn rai pui meung, ceu pa tuk tiak pa ting khankix, caw tix yuh daux krax kum kawng daux kaing haktiex, tawx krax keud krax sawn mai: ne raw kah paox tix, in kix mawh pa pang phaw tix yuh daux been jhawp Demogresi.

        Can ceu kaing pa suh siah cub caw jhawp been lhak haing pui meung Meung Vax tix yuh khan kix, hoik Cub caw jhawp been lhak haing pui meung, Simu grawng kaing ku ceu (Ran tix shiao)

-4- -5-

         mawh num: tix daux been krax blawng hoik deuh Pati Rob Ron Nham Meung Vax.

Lawg ( 1 )

Grawng blawng kaing ku ceu Cub caw jhawp been haktiex pui meung Meung Vax, cub caw baux meung mai: cub caw baux eeng mawx eeng an khankix, awm lox pa hok tat tix deuh daux simu grawng kaing, blawng kaing ku ceu, sibrawm beeh glawm pui pa viex daux mai: cub caw pa viex khankix caw tix pon tieb tiex kah son kix.

1. Cub caw jhawp been lhak haing pui meung Meung Vax cub caw baux meung mai: cub caw baux eeng mawx eeng an khankix, awm pa hoik tat tix deuh daux simu grawng kaing kah blawng kaing ku ceu, awm mhai bak deuh cub caw jhawp been lhak haing pui meung Meung Vax, caw tix hawt yuh daux been simu pa hoik tat tix deuh.

2. Beeh glawm ting pa caw cub caw baux meung mai: cub caw eeng mawx eeng an khankix tix yuh, daux been kaing haktiex, laig tix kum kawng, joh jhan laig kieh koe daux been Demogresi mai: laig tix kum kawng daux kaing haktiex.

Grawng laig tix kum kawng kaing haktiex in, mawh been kied ting ceu mai: pa jhi blawng kaing Meung Vax. Pa tuk tiak suk sag ting plak kaing haktiex, plak lah lai, plak pingnya cuyi mai: krax ot krax koe pui, ka ang nyang tat lox, caw tix kum kawng daux bawg yam ka ang nyang phaw tix tat tud, mawh kum kawng kah ceu pa tuk tiak ting khankix, cub caw jhawp been lhak haing baux meung mai: cub caw eeng mawx eeng an, lox ah lox tang Pati Rob Rom Nham Meung Vax mai: lox tang cub caw pui meung khankix, bang kum viex pui pa koe beeh glawm daux cub caw pui meung mai: ceu pui ku ceu, pui pa dex dawt daux beenli sasana khankix, caw tix kum kawng ( phan ang mawh nan ) daux cub caw pa hoik krai plak piang caw tix tang kah kaing pa tuk tiak ting khan kix, caw tix kum kawng kah.

         Been pa giex jhawp Deomgresi ah ex, mawh caw tix shiao daux been num: riah simu grawng kaing Meung Vax mai: simu pa deuh eeng mawx eeng an khankix, mawh pa jhi kah been blawng kaing ting ceu, yam pang yam phaw tix shiao, can cub lum pa koe daux Meung Vax mai: kaing yuh cao: yuh kaing pa dex dawt mai: kaing an khankix caw tix pon jhak tix tawx krax keud mai: ne raw kah kix, in mawh kaing pa pon tix yuh. Laig tix kum kawng daux kaing been haktiex in, mawh daux kaing been haktiex, plak lah lai, plak cuyi pingnya, plak krax nyawm ot si u koe mai: krax ot krax koe pui khankix, kaing pa tuk tiak suksag ting mai: kaing tuk tiak pa laig rhawm kawn rai pui meung khankix chawk tix tawng kah, krax blawng pa koe eeng mawx eeng an mai: daux rhawm rhi pui meung pon laig viex tix kumkawng kah.

         Kaing chawk cheng yuh tix tawng khankix, pon tang, pon tawx krax keud ( phan ang mawh nan ) kah krax blawng tang ceu kah cub caw num: Pati Rob Rom Nham Meung Cub caw jhawp been lhak haing pui meung, Simu grawng kaing ku ceu (Ran tix shiao)

-6- -7-

       Vax mai: lum vawng Meung Vax awm pa keud pa yaox tix khankix.

3. Pui laig baux cub caw meung, baux cub caw eeng jhawp been haktiex khankix, ka daux krax blawng ku ceu, pon laig tix kum kawng pa mawh kaing Meung Vax mai: kaing ting ceu daux eeng khankix.

4. Cub caw jhawp been lhak haing pui meung Meung Vax mai: cub caw pa viex daux eeng khankix, caw tix krai pui mhong krax blawng kaing mai: son sang hawt yuh daux been simu deuh Meung Vax. Riang rao pa koe daux cub caw pui meung pa mawh pak peung lhaong krax yungyi mai: yam yuh son sang kaux cong rhawm rhi khan kix, can lum Meung Vax mai: baoh ku dah ku dee, pui pa krox yuh pa lud pa loe mai: pa sang yuh kaing laux lak pak leeing khankix, caw tix teem: pui tib tie kah.

5. Cub caw jhawp been lhak haing pui meung Meung Vax mai: cub caw pa viex baux eeng khankix, caw tix sitoe yuh tix meed tawng kah pui ku glawk ku cub. Awm pa dex pa dawt mai: pui in kix, mawh krax pa yaox mai: pa simie pui meung mawh khankix caw tix tang. Ka piang cao: yuh kaing lum, daux lum Meung Vax tang tix tawx krax keud sawn, ne raw pa dex mai: kaing yuh kix, krax blawng yuh kaing lum Meung Vax mai: yuh kieh luan khaing been kaing nong, son sang silhao vieh kaing lum tix yuh.

6. Cub caw jhawp been lhak haing pui meung Meung Vax mai: cub caw pa viex baux eeng khankix, can pa sitoe Demogresi tab rom ku blawng mai: ka daux cub caw jhawp been haktiex pui meung Meung Vax, caw tix yuh khaw son kaing ting ceu pa rom tix yuh khankix.

7. Cub caw jhawp been lhak haing pui meung Meung Vax, cub caw jhawp been lhak haing baux meung mai: cub caw jhawp been lhak haing baux eeng khankix, daux krax blawng ku ceu, ceu pui, meung, pui meung, kaing yuh, krax tawn krax yung mai: krax ot koe, eei rhawm rhi son sang koe krax moh krax rhawm, kaing bak tieh loh ting, pa rah see mai: pa koe simu khankix, kieh mawh hawm keud pa krup baux bawg yam, caw tix koe rhawm hain rhawm riien tix, tawx krax lhak, pao: pui tawng blawng kaing pa yuh tix.

8. Cub caw jhawp been lhak haing pui meung Meung Vax, pa viex baux meung mai: cub caw viex baux eeng khankix, been paoh siviex blawng sang hu mai: cuyi krax lhak haing, son sang haok huan plak yungyi ceu pui, caw tix giex jhawp kaux cong, Meung Vax mai: sinax cub caw tang dah, kaing haktiex, plak lah lai, simu been, pon gau pyinnya baux ju tix, krax lhak krax tawng cuyi, lig lai been yungyi, plak krax nyawm ot koe, plak klieh lin mai: plak ku ceu khankix, kleuk rom tix yuh tau, chawk cheng tix tawng mai: ralai kum pa yaox pa prieb pui, grawng kaing yuh Meung Vax krax pa ot koe pui meung haok huan, son sang pon yuh cub pui meung ku cub ku caw, co ca theen tawx pui rom tix yuh.

9. Cub caw jhawp been lhak haing pui meung Meung Vax, cub caw eeng glawk mawx glawk an mai: pa laig cub ku glawk khankix, jhak kia tix chawk cheng krax ot koe pui meung mai: chawk kah rhawm rhi kix, grawng sang ex Cub caw jhawp been lhak haing pui meung, Simu grawng kaing ku ceu (Ran tix shiao)

-8- -9-

        haktiex ku blawng, daux pa ot koe pui meung, yuh tix tawng ka ceu pa tuk tiak ting khankix, tawx krax keud krax tawng kah cao: giex bung cub caw Meung Vax mai: daux cub caw tang dah khankix.

10. Cub caw jhawp been lhak haing pui meung Meung Vax, cub caw pa viex baux meung mai: cub caw pa viex baux eeng ku glawk, kaux mawx tang num: kah rhawm rhi to kaux cao: tix kraix khrawm, chawk tix tawng pak peung awn mai: pak peung been, krax grawng daux meung, grawng meung plak praix, kaing haktiex, lah lai, lig lai mai: been yungyi, krax lhak krax tawng mai: kieh kix yuh tix tawng kah pinnya cuyi, son sang pon yuh kix kaing son Meung Vax, yuh tix kieh kaing chix kaing tawng kix baox haok huan ting lhaong.

11. Cub caw jhawp been lhak hain pui meung Meung Vax, cub caw baux meung mai: cub caw baux eeng khankix, krax pang phaw Meung Vax krax yien yawg, kieh koe tix mawh tix cub tix caw ngie, awm krax blawng pa hoik jhi, son sang mawh pa pon giex jhawp kah meung cao: tix, viex rhawm haing krai kah pui ot daux meung, ot meung plak praix, pa mawh paox grawm paox grux pui ot daux cub caw ku cub, pa ot daux beenli sasana ku cub, yam yuh kaing haok huan son krax ot koe pui Meung Vax caw tix yuh krai pui tawng kah.

12. Cub caw jhawp been lhak haing pui meung Meung Vax, cub caw baux meung mai: cub caw baux eeng ku glawk khankix, caw tix yuh krax tieb tiex son pui koe pinnya, pui tawng cuyi, son sang koe akhuang kix tix pon tiem pon phaw tix yuh, grawng krax sang kah Meung Vax ku blawng, can ceu riang rao pon viex kix daux kaing ting ceu, caw tix kieh kix tawng mai: pon shiao kix kah.

13. Cub caw jhawp been lhak haing pui meung Meung Vax, cub caw baux meung mai: cub caw baux eeng ku glawk, pa mawh grawng been son pui Meung Vax, caw tix krai pui tawng, grawng yaox rhawm keud pui meung, yuh tix tawng tang kah plak piang. Caw tix priex khrawm tix tieb tie kah buan haok huan krax ot koe mai: pa caw kawn rai pui meung tix pon khankix, krax pa meed tix sitoe kah kawn rai pui meung, baox niied tix kieh mhawm, son sang baox nie ih pui meung rhawm rhi si mau paox tix, caw tix yuh tawx kah kix.

14. Cub caw jhawp been lhak haing pui meung Meung Vax, cub caw baux meung mai: cub caw baux eeng khankix caw tix hawt pang hawt phaw yuh been krax krub pui meung beenli kieh kix tawng, kraix khrawm pui ot daux cub caw an kix, ang guieh ceu pui, beenli caw tix pon sivat krub, sigaxbeenli daux kaing haktiex, yuh ceu tieh feen kah kaing giex jhawp kah haktiex khankix, pui meung ot daux Meung Vax, been prim pa dawg ot pui, pa tuah kah singaix tang ingaix mhawm khankix, kieh kix yuh son sang pon yuh kix awm pa hoik yuh tix lhai lhai, tieh feen tieb kah pui yuh beenli kieh kaing haktiex suksag khankix,krax sivat krub kah beenli nong nong, yuh mai: giex kieh kaux kaux cong cong.

15. Cub caw jhawp been lhak haing pui meung Meung Vax, cub caw baux meung mai: cub caw baux eeng khankix been sitoe kah meung pui plak praix, caw tix pang phaw tix yuh. Caw tix tang: pon yuh kah rhawm sivat ot cao: tix, giex kaux kaux cong cong daux pa nhim grawng pa Cub caw jhawp been lhak haing pui meung, Simu grawng kaing ku ceu (Ran tix shiao)

-10- -11-

         sitoe tix kah pui plak praix, beeh glawm kaing yuh Meung Vax ku blawng, num: tix daux pa kaux pa cong, caw tix moh rhawm kleuk tix yuh mai: pui meung ot rawb reem tix, tang pon tat kah rhawm rhi sivat tix, son sang pon ot tau daux pa yien yawg, daux grawng ot cao: pui tix kaux, ang khaw tix laig suksag mai: ang hoek krox aux, aux hu krox nawh ang koe, ....... ]] phan laig hoek tix krox ex, ex kawx tee deeh tieh feen }} awm hoik koe been yuh nan, caw tix hawt yuh awm an.

16. Cub caw jhawpbeen lhak haing pui meung Meung Vax, cub caw baux meung mai: cub caw baux eeng khankix cub caw Tab Rom Ting pui meung, num: kah pa tang siyox, been baux ju Meung Vax dix, daux meung Man mai: krax grawng been mawh baux yam in, caw tix khrawm yuh tix tawng sidawng.

17. Cub caw jhawp been lhak haing pui meung Meung Vax, cub caw baux meung mai: cub caw baux eeng khankix sinax daux cub caw mai: paox sitoe tix hu ing, ralai kum kah kaing pa yaox pa prieb tix mai: lai ling yuh tom: tawng tix, pak peung kaing tuk tiak suksag pa sidu awm paox tix khankix caw tix sang lang hoik.

Lawg ( 2 )

Simu yuh cub caw ku blawng

18. Cub caw jhawp been lhak haing pui meung Meung Vax, pang tix deuh kah cub caw baux meung mai: cub caw baux eeng. Cub caw jhawp been lhak haing pui meung Meung Vax, cub caw baux meung mawh pa thong krax, pa sitoe cub caw eeng mai: cub caw greem: nawh khankix.

19. Cub caw jhawp been lhak haing pui meung, pang tix yuh kah cub Pati Rob Rom Nham Meung Vax, cub caw pui meung khankix, tang to son pui meung ku cub mai: tang to pui yuh kaing beenli mai: pui pa khaw tix viex khankix.

         Cub caw jhawp been lhak haing pui meung Meung Vax, yam pang kah cub caw baux eeng khankix, mawh kheu ang baux eeng sidu awm paox, tat tix yuh kah pa awm yuh cub caw baux meung.

20. Grawng blawng k aing an ku ceu, pui pa rieb tix joh, pa hoik koe ju ( 18 ) num, daux cub caw pui meung, pui pa yuh kaing cub mawx cub an, pui yuh kaing plak pinnya cuyi, pui yuh kaing sasana khankix, ang guieh ceu pui ang guieh sime - bun, ang guieh kah been viex rhawm tix krub, pui ao: min ao: ceu blawng mawx blawng an, pui koe rhawm moh meung tix ceu pui tix, can pui pa moh kah Meung Vax, awm pa hoik kum cub caw jhawp been lhak haing pui meung Meung Vax, koe akhuang tix pon laig daux cub caw jhawp been lhak haing pui meung Meung Vax. Tang to cao: pui tix kaux, phan cub caw jhawp been lhak haing pui meung ghaok kah pui mawx pon tix laig. Cub caw pa viex baux eeng khankix kawx, pon akhuang tiag tix yuh awm pa hoik tat plak piang in.

21. Cub caw jhawp been lhak haing pui meung Meung Vax, cub lum mai: pui viex daux cub caw baux meung (phan ang mawh nan) cub caw baux eeng khankix, koe beeh Cub caw jhawp been lhak haing pui meung, Simu grawng kaing ku ceu (Ran tix shiao)

-12- -13-

         glawm tix hawt yuh awm pa koe daux been simu grawng kaing in.

22. Cub caw jhawp been lhak haing pui meung Meung Vax, cub caw baux eeng khankix, lox tat cub caw son meung, cub caw greem: baux eeng khankix, koe beeh glawm tix hawt yuh awm lox hoik tat cub caw plak piang.

23. Cub caw jhawp been lhak haing pui meung Meung Vax, cub caw baux meung mai: cub caw baux eeng khankix caw tix moh kah Meung Vax, moh kah meung tix, joh jhan kah pa thong bung Pati Rob Rom Nham Meung Vax mai: kaing pa yuh khankix. Caw tix priex rien kah hoik grum rhawm rhi pui meung mai: son sang mawh Meung Vax tix cub tix cum:, Num: simu grawng kaing Meung Vax mai: simu pa hoik tat tixdeuh khankix. Tang to pui pa viex bawg in, tang koe akhuang, daux cub, daux caw koe sibrawm pon laig tix kum kawng kaing been haktiex, sitoe tix meed tawng kah pui meung, rhawm keud mai: pa simie kix mawh khankix, caw tix tawng, pon tang kah. Caw tix kum kawng mai: yuh kaing daux cub caw pa viex tix.

24. Cub caw jhawp been lhak haing pui meung Meung Vax, cub caw baux meung mai: cub caw baux eeng khankix, lox pa tat daux bang kum, phan pui haok bang kum tix plak khaw rhawm, hoik mawh lox kriem, cub caw mai: pui haok bang kum koe beeh glawm tix hawt lox tat bang kum. Phan ang sidu pa keud pa yaox, caw tix hawt greem: num: simu, rhawm deuh kaux cao: mawx, koe akhuang tix priex plih pui mhong.

25. Cub caw jhwap been lhak haing pui meung Meung Vax, Pui laig cub caw baux meung mai: cub caw baux eeng khankix, ka daux bang kum cub caw koe akhuang tix sau salak, koe akhuang tix ghaok mai: koe akhuang laig tix laug. Kaing pa yuh daux cub caw tix, pon tix ne raw mai: koe akhuang tix tawx krax keud.

26. Cub caw jhawp been lhak haing pui meung Meung Vax, cub caw mai: tang to pui viex daux cub caw baux meung mai: cub caw baux eeng khankix, pon plih rhawm keud pa yaox tix khaing daux bang kum mai: daux cub caw, blawng krax been kaing pa dex dawt mai: Meung Vax, kaing pa ting ceu daux baux eeng, koe akhuang viex tix laig kum: daux bang kum. Ka piang kaing lum vawng mai: pui yuh kaing Meung Vax pon tix tawx krax keud mai: ne raw, pui pa lud tieh thiang kah simu grawng kaing koe akhuang tix chawk cheng mai: plih kah.

27. Cub caw jhawp been lhak haing pui meung Meung Vax, cub caw mai: pui mawx ang ah, pa viex daux cub caw baux meung mai: cub caw baux eeng khankix, koe akhuang pao: grawng lih tix khaing daux cub caw.

28. Cub caw mai: tang to kaux pui pa laig daux cub caw baux meung mai: cub caw baux eeng, daux cub caw jhawp been lhak haing pui meung Meung Vax, phan nawh rug sidaing krax phit lud kah tieh thiang tix simu grawng kaing mai: (phan ang mawh nan) lox kum hoik tat cub caw jhawp been pui meung Meung Vax, koe kah piang krax phit nawh tawx satix, pon plih nawh lih khaing daux cubcaw baux meung (phan ang mawh nan) khaing cub caw baux eeng. Daux cub caw ( phan ang mawh nan ) tang to kaux pui pa kham kah phimap phit lud an kix, phan ang fah rhawm kah, caw tix koe akhuang tix tang, kieh deeh ciied kah. Cub caw jhawp been lhak haing pui meung, Simu grawng kaing ku ceu (Ran tix shiao)

-14- -15-

Lawg ( 3 )

Cub caw baux meung

29. Hawt kah bawg mawx bawg an, cub caw, simin kaux pui pa viex daux cub baux meung, daux cub caw jhawp num: been kaing lhak haing pui meung Meung Vax mai: jung pui pa laug pui hun, caw tix mawh pa hoik ciied khaw rhawm daux bang kum cao: jhawp kaing: cub caw baux meung, tat lox daux bang kum cub caw pa viex sijheeng. Hawt kah bawg mawx bawg an, daux bawg yam tat kah pa caw tix loh mai: baox naok kah pui daux cub caw bang kum cao: jhawp kaing: yam in, kum kawng tix tat daux cub caw pa viex sijheeng.

30. Baux bawg yam giex cub caw baux meung kah cub caw jhawp been lhak haing pui meung Meung Vax mawh (5) num. Phan prieb ceu pa tang siyox khankix, cub caw pa giex sijheeng ( phan ang mawh nan ) tat kah daux pa grum rhawm jung pui laig daux cub caw loe son tix son, pon tix baox naok bawg yam. Daux bawg yam tix bawg ngie, phan pon tix laug, caw tix baox teei beeh glawm tix yuh.

31. Cub caw jhawp been lhak haing pui meung Meung Vax, pon tix yuh cao: teei beeh glawm cao: jhawp kaing: baux meung tix kaux, cao: teei beeh glawm jhawp kaing: - 2, mawh miex kaux mai: cao: bung kaing ku ceu tix kaux mai: cao: bung kaing dia ceu mawh miex kaux.

32. Bang kum cub caw baux meung, cub caw jhawp been lhak haing pui meung Meung Vax, yuh tix num tix bawg. Bang kum: cub caw viex sijheeng, chix tix kok yuh awm pa koe nawh.

33. Sibrawm akhuang bang kum cub caw baux meung cub caw jhawp been lhak haing pui meung Meung Vax mawh in kix plak greem:.

(1) Jhak tix giex kuang son sang hawt yuh mai: cox kah been simu grawng kaing cubcaw jhawp been lhak haing pui meung Meung Vax.

(2) Laug kah cao: jhawp kaing:, cao: jhawp kaing:- 2, cao: bung kaing ku ceu mai: cub caw pa viex sijheeng daux cub caw baux meung.

(3) Ciied, nghiet kah lox lai tang cub caw viex sijheeng khankix.

(4) Kum kawng tat kah blawng jhi kaing ting mai: beeh glawm cub caw khankix.

(5) Kum kawng tix tawx krax keud kah krax blawng jhi kaing pa ting ceu Meung Vax.

34. Yuh kah cub caw viex sijheeng, thong kix yuh kaing cub caw baux meung, cub caw naih num: been haktiex pui meung Meung Vax. Yuh cub caw viex sijheeng baux meung kah cao: jhawp kaing:, cao: jhawp kaing:- 2, cao: bung kaing ku ceu mai: cub caw pa viex sijheeng khankix. Tang to pui dha tix laug khankix, cub caw jhawp been lhak haing pui meung Meung Vax, daux cub caw baux meung, pui ot daux cub daux caw khankix, pui meung khankix mai: pui ku cub ku caw, tang kah ceu kaux kix, caw tix laug daux bang kum: rom ting cub caw baux meung.

35. Cub caw baux meung, cub caw jhawp been lhak haingpui meung, koe sibrawm tix pon yuh kaing in kix plak greem:. Cub caw jhawp been lhak haing pui meung, Simu grawng kaing ku ceu (Ran tix shiao)

-16- -17-

     (1) Paoh deeh bleeh simu grawng kaing mai: jhak jhawp kah pang phaw tix yuh simu gut kang cubcaw jhawp been haktiex pui meung Meung Vax.

     (2) Thong bung tix kok bang kum rom ting baux meung, cub caw jhawp been lhak haing pui meung Meung Vax, ka: ang nyang yuh bang kum rom ting bawg ( 1 ) ku bawg, pui viex daux cub caw khawm uik dha tix yuh bang kum, laug kah pui pa caw tix ngawm giex jhawp bang kum, son sang thong bung bang kum rom ting bawg (1).

    (3) Giex jhawp jhak kia kah pang phaw tix yuh simu grawng kaing cub caw jhawp been lhak haing pui meung Meung Vax.

     (4) Pang phaw tix hawt yuh lox hoik tat bang kum cub caw baux meung.

    (5) Daux bawg yam laux bang kum rom ting cub caw baux meung, lai pa tang pa tawx krax keud pa ting ceu kah Pati Rob Rom Nham Meung Vax mai: vawng pui meung Meung Vax, caw tix ciied tat rug.

    (6) Awm lai tang cao: bung kaing ku ceu, laug kah cao: bung kaing ku ceu ra kaux tix kaux ( phan ) plih lih.

    (7) Pon tix tat lox yuh cub caw pa yuh kaing, cox tix lai: loh mai: ghaok tix tawx beeh glawm cao: giex kaing ( phan... ) plih lih khaing daux cub caw baux meung, cub caw jhawp been lhak haing pui meung Meung Vax.

36. Cao: jhawp kaing: baux meung, cub caw jhawp been lhak haing pui meung Meung Vax, thong bung tix yuh kaing ting ceu pa koe daux cub caw ku ngaix, caw tix sang lang kah kaing cub caw viex sijheeng ku ngaix, cao: jhawp kaing: -2 mai: cao: bung kaing ku ceu, caw tix teem: kaing yuh cao: jhawp kaing:.

37. Beeh glawm cao: bung kaing ku ceu ra kaux tix kaux daux cub caw baux meung, cub caw jhawp been lhak haing pui meung Meung Vax, yuh cub caw kah pui tix blah, yuh cub caw plak kaing beenli ceu pui meung khankix, greem: kaing thong bung cao: bung kaing ku ceu, cao: bung kaing ku ceu ra kaux tix kaux caw tix laig teem: kah.

38. Koe kah krax krawng mai: kaing, son sang pon yuh kaing lum tix blah, pon tix paoh lum yuh cub caw, ka daux lox pa hoik tat bang kum cub caw giex viex sijheeng baux meung, cub caw jhawp been lhak haing pui meung Meung Vax.

Lawg ( 4 )

Cub caw baux eeng

39. Cub caw pa viex daux cub caw baux eeng ku bawg, tang to cub caw miex kaux mai: pui pa viex khankix, cub caw plak piang, pa mawh cub caw viex baux eeng sjheeng, caw tix kum tix tat. Ka daux baux bawg yam baux eeng ku bawg, koe kah cub caw, tang to cub caw mai: pui viex miex kaux khankix, phan simie tix loh, cub caw baux eeng bawg an kix, pon kum: tix tat. Cub caw jhawp been lhak haing pui meung, Simu grawng kaing ku ceu (Ran tix shiao)

-18- -19-

40. Cub caw jhawp been lhak haing pui meung Meung Vax, cub baux kaung:, veng, veng nong khankix, baux bawg yam beeh glawm kaing tix bawg mawh ( 5 ) num. Phan pui baox deeh laug, caw tix baox pon teei beeh glawm. 41. Cub caw jhawp been lhak haing pui meung Meung Vax, pang cub caw eeng mawx eeng an kah cao: jhawp kaing:, cao: jhawp kaing: - 2 tix blah, cao: bung kaing keu ceu (1) kaux. .

42. Cub caw jhawp been lhak haing pui meung Meung Vax, cub caw eeng mawx eeng an khankix caw tix yuh bang kum rom, tix num (1) bawg.

43. Cub caw jhawp been lhak haing pui meung Meung Vax, bang kum rom cub caw baux eeng khankix, koe akhuang tix pon yuh kaing pa koe plak greem: in kix-

     (1) Laug ghaok kah cao: jhawp kaing:, cao: jhawp kaing:-2, cao: bung kaing ku ceu mai: pui laig daux cub caw khankix.

     (2) Lai tang cub caw viex sijheeng bawg an, caw tix ciied nghiet tat rug.

     (3) Kum kawng grawng lox tat bang kum rom, bawg an khankix.

     (4) Kaing ting ceu pa dex dawt mai: Meung Vax, pon tix chawk cheng tix tawng, ne raw mai: tang krax keud.

44. Cub caw baux eeng, cub caw jhawp been lhak haing pui meung Meung Vax, yuh cub caw lum pa viex sijheeng, thong tix yuh kum mai: pon tix yuh kaing ku ngaix. Cub caw pui giex sijheeng, yuh cub caw kah cao: jhawp kaing: baux eeng, cao: jhawp kaing: - 2, cao: bung kaing ku ceu mai: cub caw khankix, ceu kaux tang to pui dha tix laug khankix, kum cub caw pa viex mai: pui meung, pui yuh kaing plak sasana, ghaok laug plaik lox bang kum rom, yuh cub caw baux eeng pa viex sijheeng kah.

45. Cub caw viex sijheeng baux eeng, daux cub caw jhawp been lhak haing pui meung Meung Vax, pon akhuang tix yuh kaing in kix pa koe plak greem:-

     (1) Thong bung tix yuh bang kum rom baux eeng khankix.

     (2) Beeh glawm pa hoik tat daux simu grawng kaing cub caw jhawp been lhak haing pui meung Meung Vax mai: lox hoik tat cub caw baux meung son meung, lox tat cubcaw plak piang son eeng khankix kraix khrawm pang phaw tix yuh.

     (3) Hawt yuh lox hoik tat bang kum rom cub caw baux eeng khankix.

     (4) Daux sinax bang kum rom baux eeng, lox tang ting ceu, cub pa sidu glawk awm baux eeng, kum kawng tix tat rug.

     (5) Awm lox plaik cao: bung kaing ku ceu, cao: bung kaing ku ceu ra kaux tix kaux, ghaok(phan) tik. Tat lox kah grawng naok tix yuh cub caw baux eeng mai: ghaok (phan) tik kah cao: giex kaing tang dah khankix. Cub caw jhawp been lhak haing pui meung, Simu grawng kaing ku ceu (Ran tix shiao)

-20- -21-

46. Cub caw jhawp been lhak haing pui meung Meung Vax, cao: jhawp kaing:, cao: jhawp kaing: - 2, cao: bung kaing ku ceu baux glawk mawx glawk an khankix, kok bang kum cao: jhawp kaing:, thong bung tix sang lang kaing ting ceu cub caw viex sijheeng ku ngaix, tat deuh kah bawg yam, krax grawng kaing pa yuh khankix, caw tix deeh pawk, tawx hoek kah pa sidu glawk baux eeng khankix.

47. Cub caw jhawp been lhak haing pui meung Meung Vax, cub caw eeng mawx eeng an, koe kah grawng kaing, caw tix pon tawx beeh glawm cao: bung kaing ku ceu ra kaux tix kaux mai: teem: kah cao: bung kaing ku ceu.

48. Baux kaung:, veng, veng nong khanix, pon tix tawx beeh glawm cao: bung kaing lum mai: cao: bung kaing lum ra kaux tix kaux kah kaux mawx kaux an. Paoh tix deuh lum tang dah khankix, mawh kheu cud cha son grawng kaing cub caw baux mawx baux an, daux lox pa kum cub caw viex sijheeng baux mawx baux an tix tat, tang kah cub caw plak piang, pon tix yuh daux akhuang pa sidu rhawm kix.

49. Cub caw jhawp been lhak haing pui meung Meung Vax, cao: jhawp kaing: baux meung, cao: jhawp kaing: baux eeng khankix, caw tix thong bung kaing cub caw viex sijheeng glawk mawx glawk an, cao: jhawp kaing: - 2, cao: bung kaing ku ceu, caw tix joh jhan teem: kaing yuh cao: jhawp kaing:. Yuh bang kum, tat kah kaing ting ceu cub caw viex sijheeng khankix ku ngaix.

50. Bang kum cao: jhawp kaing:, awm hoik ap cub caw viex sijheeng beeh glawm, caw tix kok bang kum rom dha tix yuh son bawg khaix. Meung Man, haktiex baux nong (2) Meung Vax cub caw jhawp been lhak haing, cub caw pa cox khre bang kum rom ting bawg ( 2 ) pa tat rug kriem. Simu grawng kaing in, mawh cub caw Pati Rob Rom Nham Meung Vax pa hoik ciied tix tat rug kriem daux bang kum 2012 num, khix 6 - 17 ngaix ( ngaix phuan ).

Cao: jhawp kaing: Cub caw jhawp been lhak haing pui meung Meung Vax,

Lum cub caw bang kum rom ting bawg (2),

Meung Vax. Haktiex baux nong -2, Meung Man.

2012 num, khix 6 - 15 ngaix.