Kadaux bawgyam kliex rawm…cub sibon tag rian cao tix
Sibon kieh ang mawh nan, pa miex khankix kadaux bawgyam kliex rawm an:, paw nab yi: mai: rieb tix nyaux coffee koek koek tawx pui khankix awx.
Phan ang hawt lox in kie nie, ju maix tag caw…grawng cux rhawm, mai: krax tieh loh heue….tawng pex lie?
Kheu tag lih kaing sivix, vengthix, sinax kawn rai peusin; jung pui kadaux bawgyam baux kliex rawm, jao nie yie shiao kawn nyawm krih sidah lud, sidah so rhawm kraing, sidah tei kraing, can pa mawh “coffee”, awm “coffee”, ca pa jiet nie briex pui kix tix laig coh daux laih lai, meung man phao in an: khankix, ang joeng mawh simex nong….tau mai bun krih kix heue.
Grawng qing khuang pa caw tix lih yuh nin inkix, cub miex keeing; cao gau; mai kuad kix kah ha hoik cei hoik simih tix een voe, mai: rug khi rhawm lu lax rhawm khee tete awx.
An: chafei: “coffee” khankix pon tix tawng koe (2) ceu, yuh tix een son pa nyaux simex tix ceu, son pa nyaux sibon tix ceu, mawh pa yuh haktiex pasi, phai raug rhawm daux rhawm koek, krax nyawm daing, awm chafei “coffee” tang ceu khankix, chix yuh kawn pui koung, chix koung, yam nyaux tix, phan mawh pa simex…yaox sibon kie nie, ot rhawm koung tix lih, phan mawh sibon yaox simex, rhawm koung nawh tag ot tix lih awm paoxtix, nie mawh kawn nyawm krih simex…pa brax liag tix nyaux, liag tix shaio.
Sivoe in dix, nie mhong mawh “pi ke”, plix tie, nam oi, nong nong, phao in, nab nie yaox mawh chafei “coffee” awx.ca mawh jao, nie bhoh jum, dieh jum chafei, “coffee” kawn nyawm krih simex …liag tix shiao tom: nie heue. Tix gie, mawh tix bawg shiao nong….phan koe rhawm koek, rhawm hax….tag ha chix tix shiao..
khaix hoik nyaux, chafei in…tix vud, tag plang rhawm,…tag koung rhawm,…lih rhawm kraing….deeh hoik kie nie,,,ang lai pon gun yeung rhawm cao tix…nab nyawm it hu…yie yie..
ceu kaux nawh mawh…”men’s Coffee”…Son sibon kix…ceukaux nawh mawh "lady coffee" mai: plak lai hawx...
No comments :
Post a Comment
Prah Een Lox