Maing brang tix ceu in, ex chix yaox ku haktiex mai ku dah ku dee heue. Phan brang kied ex, chix kieh ex ngiex mai chix kieh ex sivix rhawm sivix rhi. Lheu khaing an brang mawh pa tawx jhawm saux jhawm ngia mai chi kieh jhawm saux dux tix hu ku dax ku dee heue. Mawh kheu brang ex tom pon jhawm saux vi, jhawm saux uax mai jhawm saux khot lheu khaing an, chix kieh ex yum heue.
Brang mawh pa tawm: ka daux rawm. Khaix hoik tawm: ka daux rawm, tom lih tix mawh graik, viak, mai deeh peeik tix mawh brang heue.
Brang kwe ku ceu, ot daux yeem, ot dee faik, ot hawt rawm rawng, ot dee singax rawm, ot dee cux dee si um si uad rawm heue.
Son sang ang pon jhawm saux mai son sang greet brang ang lai kwe, caw beeh glawm ex ku kaux heue. Dee kwe cawk rawm caw tix kheem tiex ka, caw tix preeih sidah mai son sang chix lih hu rawm caw tix teei rawng mai soh hawt praok heue.
Can kraung pa shao ka daux nyiex pa mawh pung rawm, ang rawm, kawk rawm, tawg klong, aw tawng: khankix caw tix kieh singax laing laing, mai loh rawm pa khraox tix vang twah tix pawk heue.
Lox chawk:
1. Pon jhawm saux pa tix khaing brang lie?
2. Brang tawm: dee mawx lie?
3. Caw tix greet brang yuh ka mawx lie?
No comments :
Post a Comment
Prah Een Lox