pannya ngai: lai

Ping Nyia Ngai Lai

Ping Nyia Ngai Lai Mawh Si-niag si-ang: Son Kawn: Pui, Yaox Ex Kawn: Pui Tix Kub Sawm: Nyawm Ot Phan: Sang Plaoh Tix Yuh Can Ceu Kaing Pa Teem: Coi: Son Krax Ot Grawng Koe: Ex Kawn: Pui, Phan: Ang: Koe: Ping Nyia Ngai Lai, Ang: Tau Tix Chix Yuh Tid Tix Heue.

       Ngai: Lai Awm: Aw: Tawng: Khri: Pa Ang: Pui Briex Lai Pon Briex Heue. Pui Pa Ang: Koe: Ngai: Lai Yuh Kaing Ceu Patix Ang: Ah, Plak Nie Mawh Ngie Nai:, Riang Rao Kix, Kix Pon Yaox Ngie Tix Ih Riang Tix Plak Iak Khaing: Heue.

       "MAWH MAIX PUI TIX CEU, MAIX CAW TIX KOE: LOX CAO:, KOE NGAI: LAI CAO: SHIAO LAI CAO: TIX, SHIAO LOX CAO: TIX"

       Phan: Ang: Yuh Nin:, Hoik Awm: Map Nai: Ka Nex Nham: Ceu Cad Tax Yiex Miex Keeing: Cao: Tix heue. Haktiex pa Koe: Krax haok Huan: Ping Nyia, Ngai Lai Mai: pa ang: Ping Nyia Ngai Lai Haok Huan: Krax Ot Kawn: Pui ang: Doh Awm: Paox Tix Heue.

       Pa Ang: Koe: Ping Nyia Ngai: Nai Kied dah Khaix paox Tix tete, Sum: Nyiex Pak Yaong: Toh Krax Laux Sum: Van: nghox Khawx Sum: Van: Khaox ox Krax Nap Yam Yung Yi: Plak Tawng Tix Shiao Sidah Sinai Yuh Cag Yuh Cheu:, Son Sang Ang: Saux Ngia Yuh To: Kaux Si-ngax Singeh, Son ang: Hun: Saux Raux Yjm Phan: Ang: Koe: Ping Nyia ngai Lai Ang: Tawng Tix Keud Sawn: Ka Heue.

       Yam iak yam awn:, Sawn: Ping Nyia

Ca: Koe: ngai: Lai, Ang grai: kaux

Plaux Lig Ang: Chix Jiang, diang Ih Lih Tix Nai:

Phan: Koe: Ngai: Lai, Ang Chix Grai:

Khai Kui: Tui: Been ot Sivoe

Pui Nab Pui Yam Koe: Hun: Haoh

Dee Kaoh Dee Hoek Koek Si-u:

(Ai Lung Sivian)